Në vitin 2020 do të fillojë rinumërimi i popullsisë dhe të banesave në vend. Censi ri nis tetorin e vitit të ardhshëm dhe do të zgjasë dy muaj me një kosto prej rreth 16 milionë eurosh. Do të ketë ndryshime në mënyrën se si do të mblidhen të dhënat, dhe do të jenë më cilësore. Pyetjet thelbësore janë të detyrueshme për të qenë në një pyetësor censi sepse ato sigurojnë një krahasueshmëri jo vetëm ndërmjet censeve në një vend por gjithashtu midis vendeve të tjera. Censi i fundit është zhvilluar në vitin 2011, ku rezultoi se popullsia banuese ishte 2,821,977, me një rënie prej 8%, nga Censi 2001.