‘Falco’ quhet filmi i Bes Kallakut me producent dhe protagonist kryesor vetë aktorin e njohur. Në qendër të tij është situata aktuale politike dhe sociale në Shqipëri sigurisht e shoqëruar me nota humori. “Falco” është është xhiruar në 15 qytete të Shqipërisë dhe në 4 qytete të Italisë. Prej dy vitesh e gjysmë, aktori Bes Kallaku i është përkushtuar këtij projekti i cili tashmë është finalizuar dhe kujtojmë se prej datës 20 nëntor “Falco” nisi të shfaqej në të gjitha kinematë e Tiranës, por për shkak të tërmetit të 26 nëntorit shfaqja e filmit u ndërpre. Aktori pohoi se duke filluar nga sot filmi do të nisë të shfaqet në të gjitha kinematë. Por teksa fliste për filmin ai pohoi se do të ketë dhe një "Falco 2"- duke i premtuar Ori Nebijajt dhe Isli Islamit se do ti bëjë pjesë të serisë së dytë të filmit.