Faqja e lotarisë amerikane jashtë shërbimit
12/10/2017
Faqja e lotarisë amerikane jashtë shërbimit
Të gjithë ata shqiptarë që kanë provuar të hedhin lotarinë amerikane “DV Lottery 2019” dhe nuk kanë mundur do të hapin faqen e vënë në dispozicion nga Departamenti i Shtetit, nuk duhet të shqetësohen.

Ambasada Amerikane ka shpërndarë një njoftim përmes faqes së saj zyrtare në rrjetet sociale ku sqaron të gjithë se faqja është jashtë funksionit në mbarë botën për arsye teknike e mirëmbajtjeje dhe se po punohet për rikthimin e shërbimit.

“Është përkohësisht jashtë funksionit për mirëmbajtje. Kjo është një ndërprerje në mbarë botën që prek të gjitha vendet, jo vetëm Shqipërinë”, thuhet në njoftimin e Ambasadës.

Ambasada sqaron se do të njoftojë për çdo informacion të mëtejshëm përmes rrjeteve sociale dhe faqes së internetit.

Lotari amerikane u hap më 3 tetor dhe mbyllet zyrtarisht më 7 nëntor.

/ Top Channel


LAJME TE NGJASHME

MË TË LEXUARAT




Top Channel 2001 - 2016
Ndalohet riprodhimi i paautorizuar i përmbajtjes së kësaj faqeje.