Fiks Fare rikthehet në banesën e familjes Plepi në Stajkë të Shkodrës, aty ku më 30 dhjetor 2025, treguam historinë e dhimbshme të një familjeje që nuk kishte mundësi të festonte Vitin e Ri. Bledar Plepi jeton në kushte mjeruese me tre vajzat e tij të mitura, të cilat janë braktisur nga nëna. Familja jeton në një shtëpi ku çdo gjë është e falur, ndërsa një nga vajzat është e sëmurë dhe e shtrirë në shtrat prej 4 vitesh. Pas transmetimit, për familjen Plepi u interesua Kisha Ungjillore “Shpresë për Shkodrën”. Së bashku me pastorin Kol Puka, Fiks Fare ishte sërish në këtë banesë. Kisha solli një sobë druri, dru zjarri, ushqim për lopën dhe lodra për vajzat, si dhe premtoi mbështetje të rregullt mujore për familjen. “Zoti nuk të ka harruar”, ishte mesazhi për babain që lufton çdo ditë për fëmijët e tij.