Një natë e gjatë feste, u shndërrua në tragjedi në Maqedoninë e Veriut ku 61 të rinj humbën jetën mes flakëve që shkrumbuan një diskotekë në qytetin e Koçanit... Tragjedia në shtetin fqinj, ishte një tregues i neglizhencës, papërgjegjshmërisë, por edhe një moment reflektimi. Problematika e zjarreve është kthyer në një emergjencë kombëtare për Shqipërinë ku fatalitetet nga zjarret janë të shumta. Mungesa e sistemeve mbrojtëse, parandaluese, korrupsioni institucional në mungesën e inspektimeve mbi godinat dhe banesat bën që Shqipëria të jetë përherë e rrezikuar nga ato që njihen rëndomë si shkëndijat elektrike. Kush janë problematikat më të mëdha që kanë banesat private, institucionet, por dhe pallatet e reja në lidhje me paisjet e parandalimit të zjarreve? Pse institucionet janë kaq neglizhente në rastin e kontrollimit të paisjeve?