Këshilli Bashkiak i Himarës mban ditën e sotme mbledhjen për zgjedhjen e kryetarit të ri të komanduar, pas dorëheqjes së Blerina Balës. Gara fillimisht ishte mes dy nënkryetarëve Pervin Gjikuria dhe Arqile Bollano. Në mbledhjen e 29 marsit të Këshillit Bashkiak të Himarës, Pervin Gjikuria hoqi dorë nga gara, duke i qëndruar nevojës për një proces të paqtë që të mos cenonte sezonin turistik. Ky ngërç I radhës I Bashkisë Himarë lindi pas dorëheqjes së Blerina Balës pas rreth 2 muajsh nga posti I kryetares, dy ditë me parë, me argumentin se kishte marrë këtë vendim “për arsye personale që kërkojnë kohën dhe vëmendjen time të plotë". Më 29 mars Blerina Bala u zgjodh kryetare e komanduar për Himarën nga Këshilli Bashkiak pasi dy kryetarët, ai në detyrë Jorgo Goro dhe i zgjedhuri Fedi Beleri përfunduan në burg. Gazetar: Kristo Kote