Ky është Mikleari, i penduari i drejtësisë që zbërtheu se si 10 vjet më parë Eglantina Buci u vra nga i vëllai, Shkelzeni. Mikleari ishte shok me Shkëlzenin dhe madje edhe bashkëpuntori i tij i besuar, deri ditën kur të rinjtë nuk u paguan aq sa u ishte premtuar për vrasjen e aktorit Prela. I kthyer në një bashkëpuntor të mborjtur Mikleari rrëfen se si Eglantina Buci pasi mori një shumë lekësh në shtëpi, u arratis me një fqinj pasi kundërshtoi fejesën që i sygjeroi, i ati Faik Buci. kryefamiljari tashmë nën akuzë si urdhëruesi për vrasjen e të bijës , u divorcua nga bashkëshortja në 1990 dhe nuk lejoi asnjërin nga fëmijët të takonin të ëmën, që u kthye në shtëpinë e vajzërisë. Në bazë të zakoneve burri kishte fituar madje edhe kujdestarinë e të bijës Eglantinës, që e ëma e la vetëm gjashtë muajshe.