Për Mira Rakacollin, Zv. Ministren e Shëndetësisë pyetja më e vështirë për t'ju përgjigjur sot në këtë situatë pandemie është: A e kaluam pikun e virusit Kovid-19? Kjo për disa arsye: Kjo se është një sëmundje e panjohur dhe që nuk e dimë sesi zhvillohet pasi dhe në vende të ndryshme që e kanë pasur pandeminë para nesh, modelet janë të ndryshme. Gjëja e mirë është se deri tani Shqipëria vazhdon ta mbajë nën kontroll virusin sepse është e rëndësishme që të mos shfaqen të gjitha rastet menjëherë pra të kemi një kurbë të rafshët. Kjo do të thotë që nuk ka një mbingarkesë të njerëzve të sëmurë që të mos i përballojë sistemi shëndetësor dhe të mos kolapsojë siç ka ndodhur në Lombardi"- tha Rakacolli. Sipas saj skenaret që janë ngritur kanë qenë për numra të ndryshëm. Ministria është përgatitur për të gjitha skenaret dhe Rakacolli shprehet se i kemi të gjitha kapacitetet për t'i përballuar ato. . "Përballja e parë ka qenë Spitali Infektiv. Deri tani janë shfrytëzuar më pak se 50% e kapaciteteve spitalore, por ndërkohë nëse do të ketë nevojë i kemi kapacitetet për të përballuar të çdo skenar"- tha ajo Përsa i përket respiratorëve që janë në dispozicion, zv, Ministrja e Shëndetësisë Mira Rakacolli tha se në vendin tonë janë 200 respiratorë dhe tashmë janë blerë edhe 50 të tjerë dhe pritet të blihen po aq.