Agron Tare, Zëvendës Ministër në Ministrinë për Evropën dhe Punët e Jashtme ka qenë së bashku me INSTAT pjesë e projektligjit për Censin e Popullsisë dhe Banesave.. Pika më e nxehtë e pyetësorit në kuadër të ligjit të Censit, janë pyetjet mbi etninë dhe fenë, të cilat pritet të prodhojnë debate dhe zhvillime të befasishme ashtu si 10 vite më parë. Minoriteti grek ka pretenduar se zinte rreth 15 % të popullsisë në Shqipëri. Por, nga regjistrimi i popullsisë në vitin 2011, rezultoi se minoriteti grek ishte vetëm 0.87 %. Partitë që përfaqësojnë minoritetin pretenduan se regjistrimi ishte manipuluar dhe se ishte ushtruar presion, për të mos deklaruar etninë greke. Ato nisën në regjistrim paralel, që dështoi. Debate ngjalli edhe përkatësia fetare. Me miratimin e ligjit të ti, çdo person brenda territorit shqiptar do të deklarojë edhe një herë përkatësinë etnike dhe fetare. "Përsa i përket minoriteteve unë e kuptoj shqetësimin por ndonjëherë ky shqetësim është një pseudo shqetësim i njerëzve që e manipulojnë përsa i përket përkatësisë etnike dhe fetare. Për këtë pjesë nuk ka pse të ketë asnjë shqetësim sepse Censi pasqyron realitetin. Ne jemi duke e ndjekur nga afër si institucion këtë projektligj dhe ajo që është e rëndësishme të thuhet është se nuk do të ketë gjobë për pyetjet alternative; si pyetja për përkatësinë etnike. Përsa i përket rezultatin sesi do të jetë rezultati dhe si do të komentohet shifrat nuk komentohen se ato paraqesin realitetin, ndërkohë metodologjia që do të përdoret për shifrat është e standardeve evropiane.