Që prej datës 22 tetor deri në 2 nëntor, në COD (pranë Kryeministrisë), vijon të jetë e hapur një ekspozitë shumë e veçantë me rastin e 100 vjetorit të Bibliotekës Kombëtare. Ajo quhet "Verba Volant Scripta Manent" (Fjalët fluturojnë, shkrimet mbeten)- "Thesare të Bibliotekës Kombëtare të Shqipërisë" Bëhet fjalë një ekspozitë që tregon rrugëtimin e gjatë të kësaj biblioteke, që nga fillimet e saj me vetëm 3 000 libra në vitin 1920, kur u krijua, në rreth 1.300.000 njësi bibliotekare (libra, dorëshkrime, koleksione gazetash, harta) që ajo ka sot. Të gjitha ata që kanë kuriozitet mund të vizitojnë ekpozitën ku gjenden mbi 800 libra e dorëshkrime, të cilat përbëjnë disa prej vlerave më të rëndësishme të fondit të këtij institucioni. Rreth 80% e librave e dorëshkrimeve, ekspozohen për herë të parë. Për t'i parë ato më nga afër ne ishim në një lidhje direkte pikërisht sot kur është edhe Dita Botërore e Bibliotekës me. Pirro Misha, Drejtori i Bibliotekës Kombëtare.