Drejtoresha e teatrit "Andon Zako Çajupi" në Korçë, u shpreh sot në "Wake Up" se mund t'i plotësojë të gjitha kushtet për t'u rikthyer në skenë. "Nëse e lëmë teatrin edhe ai na le. Ne kemi gati 400 vende dhe 100 vetë janë të garantuar duke ruajtur të gjitha distancat sikurse ka bërë Kosova dhe Maqedonia."-u shpreh Zamira. Ajo shtoi se edhe pse gjatë kësaj kohe kanë sajuar shfaqje në mjedise të hapura, nuk është i njëjti impakt sepse shumë elementë humbasin. Po ashtu edhe drejtoresha e teatrit të Shkodrës u shpreh se duhet të ishin hapur me kohë. "Koha ka kaluar dhe është e turpshme. Hapen supermarketet, shkollat apo kinematë dhe të vjen me qesh. Rrimë gjithë ditën bashkë, në autobus, në punë në kafe e vetëm ne teatër jo."- u shpreh drejtoresha Gjeka. Ajo shtoi se teatri ka 526 vende dhe 20 llozha me nga 4 vetë. Sipas Ritës 200 persona janë më se të sigurt duke respektuar 3 metra distancë. Rezervimi i biletave mund të bëhet vetëm online. Të mbahet maskë nga klientët dhe nga personeli gjatë gjithë kohës që janë në ambientet e brendshme të kinemasë. Nëse konstatohet një rast pozitiv duhet të pastrohet kinemaja. Nga shfaqja në shfaqje duhet të ketë pushim jo më pak se 15 minuta, për të kryer pastrimin dhe ajrosjen e duhur. Po ashtu distancimi fizik do të jetë 1.5 m nga çdo klient teksa nuk lejohet ushqimi dhe pijet në kinema.