Xhimi Lazri është një personazh i njohur për të gjithë, fillimisht si përkthyes në disa gjuhë por tashmë edhe si një artist i mirëfilltë. Në fakt muzika duket se ka qenë një pasion i hershëm i tij, pasi prej shumë vitesh ka interpretuar edhe në piano. Para disa javësh ai ka realizuar edhe një koncert në Budapest ku ka spikatur për mënyrën e tij të veçantë të të kënduarit. Po ashtu vitin e kaluar ka mbajtur një koncert në ArTurbina. Xhimi është i angazhuar herë pas here në mbrëmje muzikore teksa interpreton jo vetëm muzikë shqiptare por edhe këngë të njohura të huaja. Ndërkohë së fundmi ai ka përkthyer edhe romanin me titull "Unë dhe Hemingueji" nga Paula Mclain, duke mos u ndarë kështu nga lidhja e tij e hershme me përkthimin. Xhimi ka qenë gjithmonë prezent në ekran pasi ka përkthyer ngjarje të rëndësishme apo edhe personazhe të huaj të ftuar në programe të ndryshme.