Koronavirusi tashmë është kthyer për mbarë botën në një prej sëmundjeve më të rrezikshme dhe të frikshme për miliarda njerëz. Por ndërsa KOVID-19 vazhdon të përhapet dhe njerëzit kanë filluar të bashkëjetojnë me virusin e ri, ekspertë të shëndetësisë dhe shkencëtarë kanë bërë deklarata të ndryshme sa i përket jetëgjatësisë së KOVID-19. Dy ditë më parë një lajm shumë optimistë vjen nga Italia fqinje e cila ishte një nga shtetet që u prek më shumë KOVID-19. Prof. Alberto Zangrillo, Drejtor i Kujdesit Intensiv në një nga spitalet e rëndësishëm të Milanos, deklaroi se "nga pikëpamja klinike, virusi është zhdukur".Sipas zyrtarit të lartë italian, doktor Zangrillo-s thuhet se rrezikshmëria e është në një nivel më të ulët tashmë .“Koronavirusi i ri po humbet fuqinë dhe po ul efektet negative te njerëzit. Të gjitha rastet e konfirmuara gjatë 10 ditëve të fundit me KOVID-19 nuk janë po me të njëjtën “egërsi” si dy muaj më parë"- u shpreh ai. Ndërkaq kësaj deklarate optimiste i bashkohen edhe të dhënat e numrit të vdekjeve nga KOVID-19 ditët e fundit të cilat në të gjithë botën janë në një trend rënës. Për këtë folëm sot në studio me ekspertin e shëndetit publik, doktor Erion Dasho.