Që prej disa ditësh në Shqipëri ka filluar marrja e masave drastike për të shmangur përhapjen e koronavirusit, i cili çdo ditë po shënon pacientë të infektuar. Në kuadër të masave drastike për të mos u bërë burim infeksioni, Urdhri i Stomatologut të Shqipërisë ka propozuar që klinikat dentare të mbyllin të gjitha shërbimet që ofrojnë deri në datën 3 Prill, me përjashtim të shërbimeve të urgjencës dentare të cilat duhet të kryhen në bazë të protokollit të OBSH. Në fakt edhe shërbimet që ofrohen prej këtij urdhri, prej disa ditësh kanë mbyllur shërbimet ndaj stomatologëve apo të rinjve që tërheqin dokumentacion apo certifikatat përkatëse për ushtrimin e profesionit. Për masat e marra dhe rastet urgjente kur klinikat do të vihen në shërbim të popullatës kishim sot në një lidhje skype Nikoll Dedën, Kryetar i Urdhrit të Stomatologut.