Viti akademik që do të nisë më 2 nëntor, nuk do të jetë një vit i zakonshëm për të rinjtë që do të nisin për herë të parë universitetin por edhe për ata që do të vazhdojnë studimet. Të rinjtë do të kthehen në auditorë, me protokoll sigurie të masave AntiCovid. Një pjesë e mirë e universiteteve kanë publikuar edhe rregulloret për mbrojtjen nga koronavirusi i ri në ambientet e fakulteteve duke përcaktuar disa skenarë. Ai që është përkrahur më shumë është kombinimi i mësimit në auditore me mësimin online nga shtëpia. Universiteti i Tiranës si një nga më të rëndësishmit për numrin e madh të studentëve që pret çdo vit në fakultetet e tij ka miratuar pak ditë më parë rregulloren AntiCovid në të cilën përcaktohen masat që do të merren për zhvillimin e një mësimi më të sigurt në këtë kohë pandemie, ku theksohet se si do të veprohet nëse evidentohen raste pozitive me virus, distanca që duhet mbajtur, si dhe oraret kur do të zhvillohet mësimdhënia. Por a është e infrastruktura e nevojshme për zbatimin e kësaj rregulloreje, a do të ndikojë tek cilësia e mësimdhënies, sa të sigurt duhet të ndjehen studentët në këtë vit akademik. Zv.Rektorja e Universitetit të Tiranës, Prof. Dr. Esmeralda Kromidha shpjegoi sesi do të kryhet mësiminë Universitete në këtë periudhë pandemie dhe cilat janë rregullat e reja që diktojnë pasojat nga Covid-19.