Mimi Kodheli pa asnjë diskutim është një nga politikanet shqiptare më të suksesshme e cila ka mbajtur disa pozicione të rëndësishme në karrierën e saj. Dy ditë më parë, me unanimitet të plotë votash, ajo është zgjedhur në postin e Zëvendëspresidentes së Asamblesë Parlamentare të Organizatës së Traktatit të Atlantikut të Veriut (NATO). Në një lidhje skype politikania shqiptare tregoi se si u zgjodh dhe pse ky është një vlerësim që i bëhet asaj dhe Shqipërisë. Po kush e ka uruar i pari nga kolegët politikanë dhe cili prej tyre nuk e ka bërë akoma? "Gramoz Rucci ishte i pari që më uroi. Ndërkohë që nuk di që të jetë dikush që nuk e ka bërë. vetëm në telefonin tim më kanë ardhur mbi 1000 mesazhe, pa folur për urimet në rrjetet sociale?- tha për Wake Up, Mimi Kodheli. Ajo vetë ka publikuar një foto në rrjetet sociale lidhur me konferencën e organizuar ku i pranishëm ishte edhe Sekretari i Përgjithshëm i NATO-s, Jens Stoltenberg. Aktualisht, Mimi Kodheli është Kryetare e Komisionit Parlamentar për Politikën e Jashtme dhe Kryetare e Delegacionit parlamentar shqiptar në Asamblenë NATO.