Gjatë muajit tetor shqiptarët nuk janë sensibilizuar vetëm për tu kujdesur për shëndetin, por një rëndësi e veçantë i është kushtuar edhe librit. Gjatë tetorit kemi parë fushata nga më të ndryshmet, rreth leximit të librave. Të pagëzuara me emrat" Dhuro, gjej, lexo", këto nisma kanë përfshirë grupmosha nga më të ndryshmet, nga njerëzit e thjeshtë deri tek personalitete të njohura në fusha të caktuara në vend. Edhe pse shifrat e viteve të fundit vërtetuan një panoramë aspak të mirë përsa i pëket leximit, ku më shumë se 1/3-ta e shoqërisë shqiptare nuk lexon asnjë libër, duket se kanë nisur hapat pozitivë për ti afruar në veçanti të rinjtë me leximin. Në bibliotekat e qytetit janë organizuar aktivitete që kanë përfshirë fëmijët e shkollave në leximin e librave të tyre të preferuar, ndërkohë që në rrjetet sociale ka nisur edhe një nismë nominimesh mes miqve dhe personazheve për titujt e librave që duhet të lexojmë. Por a mjafton vetëm një muaj që të reduktohen sadopak numri i atyre që kanë braktisur librin