Bilanci aktual i dëmeve në banesa është, 5497 shtëpi të dëmtuara rëndë, 3520 shtëpi të dëmtuara lehtë, 558 pallate të dëmtuara rëndë, 335 pallate të dëmtuara lehtë , 28 shkolla të dëmtuara dhe 15 kabina elektrike gjithashtu të dëmtuara. Ndërkaq qeveria njoftoi dje se objektivi afatgjatë i qeverisë është ndërtimi i 10 mijë apartamenteve në qyteza urbane. Mendohet që një qytezë do ndërtohet në Durrës, fillon me 500 mijë apartamente, një ndërtim i ri në Thumanë, dy ndërtime në Tiranë , bëhet fjalë për ndoshta te zona e ish-Autotraktorëve dhe mbase në Kombinat, dy qyteza urbane të reja edhe në Lezhë, e të tjera. Shpenzimet emergjente të operacioneve të kërkim-shpëtimit, strehimi i përkohshëm i banorëve dhe kostot e tjera për jetesën e tyre, kanë qenë vetëm disa nga pikat që shqyrtuar qeveria gjatë mbledhjeve urgjente të radhës. Por si do të ndikojë kjo në ekonominë edhe ashtu të brishtë shqiptare? Ekonomisti Besard Kadia shprehet se fatura do të vijë gjithnjë në rritje.