Vlashent Sata, një nga artistët më të mirë që kemi, është i izoluar në shtëpinë e tij në Paris. Duket se ai ka gjetur mënyrën më të mirë për të kaluar kohën në mënyrë produktive, të bëjë art. Nga videot që publikon në rrjetet sociale, teksa luan në piano e këndon, kuptojmë se sa shumë i frymëzuar është ai në këtë periudhë. Kështu, në pamundësi për të dalë në mjedise të hapura, ai argëton ndjekësit e tij nga komoditeti i shtëpisë. Madje jo pak herë interpreton muzikë edhe sipas kërkesave të fansave e pse jo edhe të komshinjve që janë në pallatet rreth e rrotull. Ky është bërë një trend së fundmi nga shumë artistë në mbarë botën. Edhe pse Vlashenti jeton prej vitesh në Paris, ai vjen shpesh në Shqipëri dhe këtë herë me siguri ka më shumë kohë që nuk i takon familjarët e tij. Ndërkohë Franca mbetet një nga vendet më problematike përsa i përket situatës së pandemisë, pavarësisht masave të marra. Që prej datës 17 mars Franca është në karantinë dhe izolimi do të vijojë deri në 11 Mars sipas njoftimit të presidentit Macron. Për më shumë ne zgjuam sot Vlashentin, me vështirësi duke e ditur se sa shumë i pëlqen të flejë në mëngjes, aq më tepër tani në kohë karantine.