Numri i të prekurve me Covid-19 në vendin tonë vazhdon të rritet, ndërkohë që edhe vatrat e të prekurve zgjerohen, duke përfshirë tani disa qytetet të Shqipërisë. Nisur nga kjo situatë autoritetet e shëndetësisë në masat që kanë parashikuar nëse në Shqipëri do të ketë një shtim të rasteve kanë përfshirë në skemën e pacientëve që do të trajtohen me Covid19 edhe Spitalet private dhe këtu nuk kuptohen vetëm mjediset, shtretërit, aparaturat por e gjithë armata e personelit shëndetësor në këto spitale. Ditët e fundit disa prej këtyre spitaleve private, si ai Amerikan ka nisur marrjen e masave konkrete, duke filluar me trajnimin e stafit mjekësor që do të duhet t'ju vijë në ndihmë pacientëve të konfirmuar me Covid19. Për të kuptuar diçka më shumë se a janë bërë gati spitalet private në vend, ne kishim sot në lidhje doktor Blerim Arapi që është shef i shërbimit të anestezi-reanimacionit në spitalin Amerikan dhe Hygeia.