Ata janë njerëz që pjesën më të madhe të kohës nuk e kalojnë në tokë , por duke lundruar në ujërat e deteve shqiptare. E kemi fjalën për të gjithë ata që profesionin e tyre e ushtrojnë në anije, apo në mjete të tjera lundrimi gjithmonë duke ju shërbyer të tjerëve. Sot është 25 qershori, Dita e Detarit, e shpallur nga Organizata Ndërkombëtare Detare dhe në këtë ditë është mirë që të kujtohet puna aq e vështirë dhe plot përkushtim e të gjithë detarëve shqiptarë, të cilën në pjesën më të madhe të kohës janë të detyruar të jenë larg familjeve të tyre dhe në misione shpesh herë të rrezikshme për jetën e tyre. Në fakt sot në "Ditën e Detarit" ne ishim në Vlorë, me kapitenen e vetme grua aty, v, e cila prej shumë vitesh tashmë, gati 8 vjet që pas heqjes së moratoriumit ushtron profesionin e detarit në ujërat e bregdeteve shqiptar. E pikërisht në mes të detit, rrugës pë në Karaburun, ajo na tregoi se përse e zgjodhi këtë profesion dhe sa e vështirë por edhe e bukur është të jesh në pjesën më të madhe të kohës në det.