Në një studim të fundit që ka kryer Instituti për Demokraci, Media dhe Kulturë (IDMC), lidhur me njohjen e së të shkuarës komuniste në kurikulat e shkollës, rezulton se edhe vetë mësuesit e historisë kanë mangësi të theksuara në njohjen e historisë dhe krimeve të komunizmit. Studimi është rezultat i një ankete me mbi 350 mësues historie nga 13 qytete, nga të cilat të vlefshme rezultuan në fund vetë 276 prej tyre. Për rezultatet e sondazhit folëm sot në studio me Jonila Godole, Instituti për Demokraci, Media dhe Kulturë (IDMC) dhe Fatmiroshe Xhemalaj, eksperte e historisë dhe kurikulës (Ambasadore e Shoqatës Evropiane të Mësuesve të Historisë, EUROCLIO. Studimi prezantohet me rastin e “Ditëve të Kujtesës”, që organizohet çdo vit nga ky Instituti (edicioni i pestë), në partneritet me fondacionin gjerman Konrad Adenauer (KAS) dhe aktorë të tjerë të fushës së kujtesës. Aktivitetet nisin nga sot deri në 20 shkurt, me të cilat synohet ndërgjegjësimi i shoqërisë për pasojat e krimeve të diktaturës dhe forcimi i dialogut mbi të shkuarën.