Në këto kohë të vështira, kur e kemi të pamundur që të dalim nga shtëpia, duket se Muzeu "Marubi", ka gjetur një alternativë shumë interesante për të tërhequr artdashësit edhe në kushte karantine. Muzeu në fjalë tashmë mund të vizitohet edhe në një tur 3D, pa qenë nevoja të shkohet fizikisht në Shkodër. Aksesi është i lirë për këdo dhe janë rreth 55.000 imazhe të publikuara për të gjithë ata që kanë interes. Përmes një vizite virtuale nga rehatia e shtëpisë, ne mund të mësojmë më shumë jo vetëm për historinë e këtij muzeu ndër vite por edhe për ekspozitat e reja që po prezantohen aty. Kjo nuk është hera e parë që ky institucion e aplikon një praktikë të ngjashme pasi që në vitin 2015 ishte i pari që digjitalizoi 1/5 e arkivit dhe i vendosi 100 % online. Për të mësuar më shumë se si po funksionon kjo mënyrë e shumë përdorur edhe në botë dhe sa interes ka pasur nga qytetarët, ishim në një lidhje direkte me Luҫjan Bedenin, drejtorit e këtij muzeu i cili për herë të parë realizoi një tur virtual në Muzeun "Marubi"