Koreja e Jugut është një nga vendet që duket se e ka menaxhuar mirë situatën e pandemisë, pasi njihet edhe për disiplinë të lartë qytetare. Madje në këto ditë të vështira për të gjithë botën, aty janë zhvilluar edhe zgjedhjet nën pasa të rrepta sigurie dhe kanë zgjatur për tre ditë më radhë. Në këto zgjedhje u votua për 300 anëtarët e Asamblesë Kombëtare. Ajo që ka bërë përshtypje është fakti që përqindja e votuesve ka qënë mbi 63%, ndër më të lartat në vitet e fundit në këtë shtet. Duhet se në 10-ditëshin e fundit numri i të infektuarve është shumë i ulët dhe njerëzit po i kthehen normalitetit. Megjithatë masat e sigurisë janë të larta për ҫdo qytetar që i duhet të lëvizë në publik. Sikurse në ҫdo vend të botës edhe në Korenë e Jugut, jetojnë shqiptarë dhe një ndër ta është edhe Emanuel Rakipllari i cili ndodhet aty prej rreth 15 vitesh dhe punon si mësues anglishteje. Ai është i martuar me një koreane dhe kanë në vajzë 19 muajshe. Ne ishim sot në një lidhje në skype me të për të parë se si është situata aktuale aty.