Në vend, që prej 18 majit aktiviteti ekonomik, apo subjektet që janë në shërbim të qytetarëve kanë hapur dyert, ndonëse me protokolle të veçanta të miratuara nga autoritetet shëndetësore. I vetmi që po qëndron i mbyllur është transporti publik. Edhe pse javët e fundit gjithnjë e më shumë jemi në një trend rënës, urbanët në Tiranë por edhe në rrethe vazhdojnë të qëndrojnë të mbyllur në pritje të një date se kur do të hapin aktivitetin e tyre. Në Shqipëri transporti urban vijon të konsiderohet një shërbim me rrezikshmëri të lartë për përhapjen e KOVID por Kosova edhe pse me një numër më të lartë të të infektuarve, ka guxuar duke i hapur linjat qytetase prej ditës së hënë. Në urbane lejohen të lëvizin 20 udhëtarë të cilët duhet të jenë të pajisur me maska. Po ne sa gati jemi dhe cilat janë disa nga propozimet e atyre që merren çdo ditë me këtë lloj transporti. Sot me ne në studio ishte Rixhin Qoshja, kreu i Shoqatës Kombëtare të Transportit Urban.