Nga dje ka nisur kalimi në online i një pjese të shërbimeve. Saktësisht janë 472 aplikime për shërbime që krijonin radhë nëpër sportele dhe që tani do të bëhen online përmes smartfonit apo kompjuterit. Por pavarësisht se dje nisën shërbimet online, sportelet nuk do të mbyllen menjëherë. Nga dje qytetarëve nuk do t’u kërkohen më dokumente shtetërore kur aplikojnë, po vetëm dokumente që janë individualë. Të gjithë dokumentet shtetërorë të nevojshëm për dosjen e aplikimit online, do të sigurohen për llogari të qytetarit, nga vetë punonjësi i sportelit përkatës. Por si do të funksionojë kjo? Dhe çfarë pritet të përmirësojë? Romina Kostani, Drejtoreshë e Inovacionit te Agjencia Kombëtare e Shoqërisë së Inovacionit u shpreh se shërbim online ofrohet edhe për pensionistët të cilët edhe pse nuk kanë aftësinë të përdorin internetin apo celularët për ta do të jetë gjithmonë dikush në sportelet që do ta ndihmojë të aplikojë online.