Danimarka e vendosi izolimin total të popullsisë në 13 mars dhe prej disa ditësh duket sikur janë marrë disa masa lehtësuese. Më konkretisht është i pari vend të Europë ku janë hapur shkollat fillore dhe kopshtet të paktën në 52 bashki, mes të cilëve edhe Copenhagen. Ndërsa për 46 bashki të tjera do të rihapen në 20 prill. Shteti ka marrë të gjitha masat dhe institucionet në fjalë do të zbatojnë të kushtet e nevojshme higjieno-sanitare për të mos rrezikuar fëmijët. Për të kuptuar më shumë mbi situatën aktuale ne do të lidhemi me Serena Lekën, e cila prej vitesh jeton në Danimarkë dhe është menaxhere e projekteve në Universitetin "Aarhus". Serena e njeh mirë tashmë mënyrën se si funksionon ky shtet pasi 26 vjeҫarja me origjinë nga Fushë-Arrëzi është e vetmja studente shqiptare që ka fituar një bursë prej 50.000 euro nga Mbretëria Daneze, si edhe ka qenë pjesë e grupit bërthamë të studentëve ekselentë nga mbarë bota. Serena ka kryer studimet master në Danimarkë në Universitetin e Aarhusit, aty ku më pas është punësuar. Ndërkohë në muajin dhjetor Serena ka qënë edhe në Kinë pasi ka fituar vendin e parë në Samitin Botëror të Inovacionit.