Festivali më i rëndësishëm muzikor në Itali, “Sanremo” që do të mbahet në datën 4 deri në 8 shkurt është shoqëruar me polemika të shumta. Frazat seksiste të përdorura nga Amadeus kanë sjellë reagim të fortë ne vend. Gjithçka nisi me deklaratën për modelen bukuroshe Francesca Sofia Novello, e dashura e kampionit të Moto GP, Valentino Rosi. Një debat që po ndodh në Itali, por që në fakt është prezent edhe në Shqipëri me ndryshim se në Itali ka ndjeshmëri ndaj këtij fenomeni e në Shqipëri duket se në vend që të reagohet promovohet seksizëm. Në këtë konkluzion dolën dy të ftuarat sot në Wake Up, Delina Fico aktiviste dhe Romina Ruda, regjisore. Sipas kësaj të fundit si në media ashtu dhe në rrjetet sociale tek gruaja shihet dhe promovohet pamja e jashtme, bukuria, format trupore dhe asnjëherë aftësia. "Mjafton të jesh e bukur edhe pse e paaftë dhe ti promovohesh"- tha ajo.