Prej disa javësh këngëtari Robert Berisha ka nisur emisionin e tij "Robi plaket kur do vetë" dhe duket se deri tani ka patur shumë impakt dhe audiencë të lartë. I ftuar sot në "Wake Up" përmes një lidhje në skype, Roberti foli më shumë për këtë angazhim të ri dhe për të ftuarit që do të jenë në vazhdim. Ai ka premtuar se edhe ish-bashkëshortja Nora Istrefi do të jetë e ftuar në këtë emision. "Nora është fjalëpak. Është e vështirë ta bësh të flasë dhe të qeshë sepse ajo nuk i ka qejf intervistat."-u shpreh Roberti. Ai shtoi se Nora do të jetë e ftuar shumë shpejt dhe do të jetë vetëm ajo gjatë gjithë emisionit. I ngacmuar nga Isli Islami nëse do të ishte ironike sikur Nora të këndontë këngën "I jemi je", Roberti ia kthen:-"U shkëput lidhja më duket...Ndoshta mund të këndojmë edhe një këngë së bashku ose mund të këndojë këngë spanjolle apo italiane."