Censusi i popullsisë ishte planifikuar të niste këtë muaj, pra në tetor 2020 do të fillonte rinumërimi i popullsisë dhe të banesave në vend. Por disa amendime që aktualisht po diskutohen nëpër komisionet parlamentare, pandemia, por edhe fakti që vitin tjetër është vit zgjedhor, e kanë bërë paksa të paqartë situatën. Kur të do organizohet Censusi? Cilat janë ndikimet dhe pasojat e shtyrjes së këtij regjistrimi? Censusi i ardhshëm do të zgjasë dy muaj dhe do të ketë ndryshime në mënyrën se si do të mblidhen të dhënat, dhe do të jenë më cilësore. Pyetjet thelbësore janë të detyrueshme për të qenë në një pyetësor censi sepse ato sigurojnë një krahasueshmëri jo vetëm ndërmjet censeve në një vend por gjithashtu midis vendeve të tjera. Censusi i fundit është zhvilluar në vitin 2011, ku rezultoi se popullsia banuese ishte 2,821,977, me një rënie prej 8%, nga Censusi 2001. Sipas ligjit, pyetësori do të ndahet në pyetje thelbësore dhe jo. Refuzimi për t’iu përgjigjur kategorisë së parë, dënohet me gjobë. Refuzimi për të dhënë informacionin e kërkuar, ose dhënia e informacionit të rremë, dënohet me gjobë, nga 50 000 (pesëdhjetë mijë) deri në 100 000 (njëqind mijë) lekë tek pyetjet thelbësore, pra të detyrueshme përfshihen ato për adresën e saktë, gjininë, moshën, statusin martesor ligjor dhe atë defakto, profesionin, shtetësinë, pronësinë mbi banesën, sa dhoma, dushe e tualete ka ajo, si dhe llojin e ngrohjes së përdorur. Censi pritet të zgjasë rreth 2 muaj. Këtë radhë përdorimi i teknologjisë pritet të thjeshtojë gjerat. Sipas Censit të 2011, popullsia banuese në Shqipëri ishte 2,821,977, një rënie prej 8%, nga Censi 2001.