Vjen në edicionin e tij të 4-t, i cili do të bëjë bashkë profesionistë në sektorin audioviziv të vendeve Evropiane dhe Ballkanike të interesuar për të ndarë histori, për të promovuar raporte profesionale dhe forcuar prodhimet lokale. Edukimi, zhvillimi dhe bashkëpunimi me një qëllim të qartë rritjen e bashkëprodhimit dhe distribucionit kinematografik, jo vetëm në Shqipëri, por dhe në rajon janë elementët kryesorë të Balkan Film Market. Edicioni i katërt i Balkan Film Market këtë vit do të mbahet nga data 12- 15 nëntor. Andamion Murataj, Drejtues i Balkan Film Market tha se profesionistët e industrisë së kinemasë vijnë në Balkan Film Market për të zbuluar talentet e reja të Ballkanit por sidomos për historistë dhe dramat që gjejnë në Ballkan për filmat e tyre. Nga kjo pikëpamje sipas tij Ballkani është i pasur me histori që frymëzojnë kinemanë.