Komuniteti LGBTI e percepton Partinë Socialiste se i përfaqëson më mirë të drejtat LGBTI krahasuar me partitë e tjera politike. 47.95% e të anketuarve nga ky komunitet nuk votuan në zgjedhjet parlamentare të vitit 2017. 13.75% e të anketuarve kanë marrë pjesë në zgjedhje, por nuk kanë deklaruar për cilën parti kanë votuar. Rreth 24.66% e të anketuarve LGBTI votuan për Partinë Socialiste, e cila është partia më e votuar në mesin e të anketuarve. 4,11% votuan për Partinë Demokratike, dhe e njëjta përqindje e të anketuarve votuan për parti të reja të vogla që hynë ato zgjedhje. Ndërkohë, 1.37% e votuesve votuan për Lëvizjen Socialiste për Integrim, ose partinë e tretë më të madhe në vend. Është interesante se dy partitë e reja kishin të njëjtat vota nga personat LGBTI si Partia Demokratike, duke treguar nevojën për përfaqësim alternativ politik. Këto janë vetëm disa nga gjetjet e Raportit “Mendimi i Shqiptarëve LGBTI"