Nga data 2 nëntor, qytetarët janë ftuar të votojnë për 38 bashkitë aplikuese në edicionin e vitit 2020 të konkursit të Praktikave të Mira. Krahas zërit të jurisë së specializuar, vota e qytetarëve do të bëjë të mundur shpërndarjen e 4 çmimeve të publikut. Praktikat më të mira të bashkive tona kanë të bëjnë me demokracinë vendore, edukimin, mbrojtjen civile dhe mjedisin. Pas Reformës Administrative Territoriale (RAT), 61 Bashkitë e vendit kanë funksionuar mbi bazën e territoreve më të mëdha e popullsive të shtuara. Ligji i ri organik dhe procesi i decentralizimit sollën mundësi dhe sfida të reja për Bashkitë, të cilat bënë përpjekje për të përballuar dhe gjetur zgjidhje në mënyrë të organizuar ose edhe individualisht. Dhe sigurisht mendimi qytetar këtu ka shumë rëndësi. Konkursi Kombëtar i Praktikave të Mira të Bashkive (KPMB) zhvillohet nga Ministria e Brendshme dhe Agjencia Zvicerane për Zhvillim.