Marin Mema është një nga gazetarët më të njohur dhe më të vlerësuar në publik. Popullariteti i tij bëri që të shpallej si "Personazhi i Vitit" në sondazhin e Top Channel për 2019-ën, i votuar me mbi 30 % të votave nga më shumë se 110 mijë persona. Kontributi i tij ka qënë jo vetëm për historitë e shumta në "Gjurmë shqiptare" por edhe për faktin që ishte një nga nismëtarët për të mbledhur fonde në ndihmë të të prekurve nga tërmeti. Shqiptarë të shumtë nga e gjithë bota u bashkuan me Marinin duke dhuruar sipas mundësive të tyre ekonomike. Kauza e tërmetit ishte ajo për të cilën u nominuan edhe disa nga personazhet e tjerë nga Top Channel por edhe nga publiku shqiptar. Sipas të dhënave të sondazhit, përveҫ Marinit, kanditatura të tjera të forta ishin imami Elvis Naҫi dhe zjarrëfikësi nga Vlora, Luan Kapaj.