Aktualisht sopranoja Ermonela Jaho ndodhet në Greqi pasi me datë 10 tetor ka premierën e shfajqes “Maddama Butterfly”. Por si e ka përjetuar ajo rikthimin në skenë pas 7 muajsh “pushim”? Gjatë bisedës me Orin dhe Islin këtë mëngjes në “Wake Up” ajo rrëfeu: “E prita jashtëzakonisht mirë rikthimin dhe dua të falenderoj në mënyrë publike këtë vend me një kulturë kaq të madhe, sepse më ka pritur si një mbretëreshë gjë që nuk e prisja. Reagimi im për rikthimin në skenë ishte i çuditshëm, edhe pse kisha studiuar dhe e kisha mbajtur zërin në praktikë e sipër në këto 7 muaj, kur kam bërë provën e parë në skenë nuk doja të ndaloja dhe me lot në sy thoja që duhet të vlerësosh çdo moment të jetës. Provat i kemi bërë me maska dhe ka qenë pak e vështirë. Shfaqja do bëhet pa maska, por publiku sigurisht do jetë i pajisur me maska.”