Fasoneritë në Shqipëri nuk e kanë ndërprerë për asnjë moment punën, por së fundmi janë vënë në shënjestër të opinionit publik për shkak të rrezikut nga Kovid-19. Rasti i fundit ka qenë ai i dy fasonerive në Krujë, në të cilat u infektuan të paktën 40 punonjës, të shtrirë në Krujë dhe rrethina, por edhe Lezhë dhe rrethina (jo më larg se dje e diskutuam këtë çështje). Të gjendur nën një presion edhe më të madh tashmë, shumë biznese fason kanë nisur të ashpërsojnë masat e sigurisë kundër epidemisë. Nga ana tjetër këto biznese nga ushqehen rreth 70 mijë familje, thonë se janë në kushtet e mbijetesës për shkak të shumë kontratave të bllokuara të eksportit. Aktualisht ata tani po shohin mundësinë e diversifikimit të prodhimit (duan të prodhojnë maska e veshje mjekësore), ndërkohë që kanë hartuar një sërë kërkesash ekonomike ndaj qeverisë.