Pandemia dhe situatat e vështira që ajo ka sjellë në shoqëri gjithnjë e më shumë duket se po nxisin frymën e solidaritetit për të tjerët. Nuk janë të pakta rastet gjatë këtyre muajve të fundit duke filluar nga njerëzit e thjeshtë, grupimet e ndryshme apo njerëz të biznesve të cilët kanë ndërmarë nisma nga më të ndryshmet për të ndihmuar të tjerët. Filantropia gjatë viteve të fundit është parë si një tendencë e njerëzve të pasur, por kjo nuk do të thotë që edhe ata që nuk kanë fitime të mëdha ekonomike të mos merren me filantropi.... Por cilat janë modelet e filantropëve shqiptarë.... sa e përhapur është fryma e solidaritet në Shqipëri dhe a duhet ta ofrojmë atë vetëm në situata emergjente si në kohën ku po jetojmë? Gjatë gjithë kësaj jave në vendin tonë për herë të parë do të organizohet java e filantropisë e cila do të sjellë në vëmendje të publikut, individë e biznese që me punën e tyre kanë ndihmuar gjatë kësaj periudhe të vështirë dhe jo vetëm kaq do të jetë një javë reflektimi dhe inkurajimi për të gjithë ata të rinj që të duan të ndihmojnë në situata të ngjashme.