Ekskluzive, Wake Up/ Komandanti i operacion shpëtimit Jonus Murataj dhe efektivi Hysland Aliaj flasin për herë të parë për shpëtimin e 33 vjeçarit, Adriatik Bode Jonus Murataj, komandant i stacionit të zjarrfiksëve Mallakastër dhe polici zjarrfikës, Hysland Aliaj kanë rrëfyer mëngjesin e sotëm për herë të parë në Wake Up, operacionin e vështirë të kërkim shpëtimit të 33-vjeçarit, Adriatik Bode i cili ka qendruar nën rrënojë për 12 orë rresht, prej momentit të tërmetit të orës 03:54 deri në orën 16:00 të ditës së martë kur është bërë e mundur nxjerrja e tij nga rrënojat e hotelit 5-katësh në Durrës. Komandanti dhe efektivi rrëfyen që ishte një përvojë shumë e vështirë, duke qenë se në vendin tonë nuk janë përballur kurrë me një katastrofë kaq të madhe. Për disa orë rresht u është dashur të punojnë fort për të rënë në gjurmët e Adriatikut. Komunikimin e parë me të e ka kryer komandanti Murataj, teksa Adriatiku i thoshte që ndodhej në këmbë ndërkohë që ai ishte i shtrirë dhe kishte mbi vete një fasadë muri, duke e bërë operacionin e shpëtimit delikat dhe të vështirë. Vëllai i Adriatikut ka ndjekur këtë proces nga larg gjatë gjithë kohës së kërkimit dhe vazhdimisht i binte telefonit të Adriatikut, ku pas disa orësh gërmime më në fund u dëgjua zilja e telefonit të tij pasi nuk kishte valë telefonike, e cila krijoi edhe më shumë shpresë, u shpreh komandanti Jonus Murataj, i cili theksoi se vëllai nuk kishte komunikim me të, përveç tij dhe efektivëve. Komandanti i operacion shpëtimit u shpreh se: Kjo është një jetë e dytë për Adriatikun