Suela Horanlli nga qyteti i Korçës dhe Eduard Gjonaj nga Shkodra janë dy infermierët pjesë e grupit të mjekëve dhe infermierëve që shkuan në Itali për të ndihmuar fqinjët në luftën ndaj Kovid-19. Ata janë infermierët të cilët u bënë të njohur në mediat italiane pasi u falenderuan publikisht nga pacienti Italian, Ermes Nassini, i cili me lot në sy i përgëzoi për misionin e tyre humanitar, video e cila në fakt është bërë virale në rrjete sociale. Ne ishim sot me ta në një lidhje skype ku na treguan eksperiencën në frontin e parë të luftës ndaj Kovid-19 në një nga vendet më të prekura nga ky virus. "Ishte shumë emocionues. Nuk gjejmë fjalë ta përshkruajmë. Ishte një falenderim shumë i sinqertë për të gjithë ekipin shqiptar. Nuk donte që ne të largoheshim nga dhoma e trajtimit pa na falenderuar."