Sot rinis mësimi në shkollat e Tiranës dhe Durrësit të cilat mbyllën dyert që prej datës 26 nëntor kur ra dhe tërmeti i fortë, 6.4 i forcës rihter. Pasojat e këtij tërmeti u panë edhe tek godinat e dhjetëra shkollave të cilat kanë pësuar dëmtime të shumta. Për këtë arsye shkollat u mbyllën ndërkohë që sot mësimi rinis në këto dy qarqe që pësuan dëme të konsiderueshme, ndërkohë që mësuesit pas kësaj fatkeqësie natyrore me urdhër të Ministrisë së Arsimit janë njohur me planin e masave se si duhet të sillen në rast tërmeti në klasa por edhe për daljen emergjente nga ndërtesa pas tërmetit. Është një plan masash që përfshin rregulla që nisin se si duhet të sillen nxënësit sapo të ndihen lëkundjet sizmike por dhe si duhet të veprojnë mësuesit për t'i nxjerrë fëmijët nga shkolla nëpërmjet daljeve emergjente. Në fakt ne kemi zgjedhur shkollën "Kosova" në Tiranë për të mësuar diçka më shumë se si ka nisur mësimi sot, sa të informuar janë mësuesit rreth këtij plani...