Mëngjesin e sotëm në “Wake Up” ishte këngëtari Klinti Çollaku i cili mbrëmjen e djeshme ka prezantuar këngën “Larg” me muzikë dhe tekst nga vetë ai. Kujtojmë se kjo është kënga e dytë që Klinti ia ka besuar vetes. “Ndihem më mirë kur i shkruaj vetë tekstet e këngëve të mia. Më ndodh të frymëzohem në orët e vona të natës dhe filloj të shkruaj. Nuk do ndalem me kaq, pasi do vijoj të punoj e të shkruaj vetë sërish. Vetëm nëse do të merrja pjesë në një garë të madhe nuk do t’ia besoja vetes, pasi për momentin mendoj se shkoj deri këtu”. I pyetur nga moderatori Isli Islami se sa e ndjen ai mbështetjen e artistëve të mëdhenj në momentin që prezanton një këngë. “Nuk më ka ndodhur që të më mbështesë askush. Janë të lirë nëse do duan të publikojnë këngën time në llogaritë e tyre në Instagram, por unë nuk i lutem askujt”. Kush janë këngëtarët më të suksesshëm që dolën nga "The Voice" sipas Klinti Çollaku? Siç të gjithë e mbani mend, Klinti Çollaku është shpallur fitues i “The Voice Albania 6”. Ai u përgjigj: “Ylli Limani, Venera dhe Lindi dhe këngëtarja Marsela Çibukaj”.