Qëndrimi në shtëpi këto ditë për shkak të Covid 19 ka bërë që një pjesë e mirë ta shfrytëzojnë kohën për të treguar se edhe qëndrimi në shtëpi është argëtim…Kështu ka bërë çifti i të rinjve, Gjergj dhe Ermira Ndoci, të cilët mbrëmjen e 13 marsit kanë hedhur në rrjetet sociale këngën “Banania” të Dashnor Dikos, në versionin koronavirus pra të rinjtë kanë sjellë një version shumë origjinal të këngës “Banania”, përshtatur situatës aktuale. Me një shpejtësi marramendëse kënga e tyre u shpërnda kudo dhe ngado nëpër rrjete sociale, duke u shndërruar kështu në “hit” përshëndetës në këto ditë karantinimi. Por pas kësaj kënge në versionin korona, duket se Gjergji dhe Ermira nuk janë ndalur, pasi kanë hedhur në Youtube edhe “Poezinë e karantinës” me tekst të Sokol Çungës, sipas motiveve të “Kur të jesh mërzitur shumë” nga Dritëro Agolli dhe muzika nga kënga e Ardit Gjebresë. Duke qene se Gjergji është Menaxher Projektesh ju themi se kitarën e ka mësuar që në adoleshencë dhe ka luajtur në grupin e muzikës që ka pasur në kishë. Ai ka marrë pjesë edhe në një edicion të Top Festit me grupin Reborn ndërsa Ermira, të kënduarin e ka pasur pasioni të kahershëm. Aktualisht është pjesë e korit të kishës Rilindja. Ata të dy sot pas shumë kërkesave të shumta nga mediat, siç na treguan zgjodhën që të ishin këtë mëngjes me ne në “Wake Up”.