Rikthehet për të katërtin vit radhazi Festivali i Resë, ku mbrëmjen e djeshme, datë 21 korrik është zhvilluar nata e parë e tij. Ky festival do të zgjasë dy javë, deri me 2 gusht dhe përgjatë ditëve dhe netëve të tij do të sjellë një ndërthurje mes tradicionales dhe bashkëkohores, të mbushura me art dhe emocion. Festivali i Resë ose “Cloud Fest” zhvillohet me rastin e 4 vjetorit të inagurimit të Resë së Fujimotos në Tiranë. Të gjitha aktivitetet e planifikuara do të ndodhin jashtë “OUTDOOR” dhe duke respektuar të gjitha kushtet e pandemisë. REJA dhe lulishtja e saj do të jenë hapësirat për teatër fizik, instalacione audio-vizuale, kurse kërcimi, bashkëbisedime të udhëhequra nga artistët e me radhë. Ky edicion ndryshe nga më parë do të vijë në të tjera kushte për shkak të pandemisë dhe si një strategji mbështetjeje për artistët.