Jemi në periudhë ngricash e dëbore. Si rrjedhim i rrugëve të rrëshqitshme, nuk janë të pakta rastet e qytetarëve që pësojnë lëndime, thyerje, fraktura. Të paktën në vitet e kaluara sipas raportimeve të autoriteteve shëndetësore, rastet më të shpeshta krahas virozave apo gripit janë ato që shfaqen dhe kërkojnë ndihmën e mjekut ortoped. Ky numër i shtuar i pacientëve lidhet edhe me faktin se kjo periudhë e vitit shfrytëzohet nga qytetarët për tu marrë me sporte në borë, ndaj dhe kujdesi duhet të jetë maksimal. Por nëse mendoni se shumë prej simptomave që ju shfaqen pas një lëndimi, qoftë edhe i lehtë mund ta trajtoni në kushtet e shtëpisë, gaboni sepse një vizitë tek mjeku ortoped e natyrisht këshillat e specializuara mund të parandalojnë probleme edhe më serioze në organizmin tuaj.