Covid 19 ka mbërritur edhe në Kosovë që prej datës 13 Mars. Që prej asaj kohe autoritetet zyrtare kanë nisur marrjen e masave për parandalimit e rasteve të infektuara. Krahas thirrjes nga autoritetet e shëndetësisë të cilat kanë shpallur gjendjen e emergjencës mjekësore, autoritetet vendore , kanë zbatuar masa konkrete. Në komunën e Prishtinës , janë marrë masa përsa i përket pastrimit të rrugëve, heqjes së të gjithë tregtarëve nga rrugët, dezinfektimit të transportit publik, por ju është bërë thirrje edhe institucioneve private në veçanti bankave , që të marrin masat e nevojshme me higjienizues duarsh si për personelin por edhe për qytetarët që vazhdimisht janë në sportelet e bankave për të marrë shërbime. Adonis Tahiri, Drejtor i Inspeksionit në Komunën e Prishtinës së bashku me stafin e tij prej ditësh kanë nisur inspektimet e marrjes së masave në terren dhe na tregoi sot në një lidhje skype me të gjitha masat që janë marrë aty por dhe si është situata në komunën e Prishtinës që prej shpalljes së emergjencës mjekësore.