Në Wuhan, aty ku nisi gjithҫka, prej disa ditësh jeta ka rifilluar përsëri. Pas 76 ditësh, nën masa të rrepta të një izolimi total, qytetarët i janë rikthyer jetës normale. Por ata vazhdojnë që të jenë shumë të kujdesshëm në lëvizjet e tyre për të shmangur ҫdo rrezik të mundshëm. Rreth 97 % e bizneseve janë të hapura si bare, restorante, biznese, fabrika etj. Të vetmet që vijojnë të jenë të mbyllura janë shkollat dhe ndoshta do të duhet edhe pak kohë për këtë vendim. Edhe pse situata është drejt normalizimit të plotë, janë akoma mbi 2000 persona që marrin shërbim mjekësor në spital dhe rreth 180 të tjerë vijojnë të jenë në gjendje kritike. Ndërkohë edhe fabrika më e madhe e maskave ka nisur punën 100% prodhimin e tyre, jo vetëm për Kinën por edhe për të gjithë botën. Qyteti me 11 milionë banorë, u vu nën karantinë në fund të janarit dhe deri në përfundim të kësaj situate ka raportuar një bilanc prej 3322 viktimash dhe 81620 të prekurish. Ne kishim nga Pekin, gazetarin Edison Myrteza, i cili jeton në Kinë prej 16 vitesh dhe ka kaluar aty edhe viruse të mëparshëm (SARS, gripi i shpendëve). Po ashtu ai ka jetuar edhe 2 vite në Wuhan