Sot në mëngjes gazetarja e TCH, Vali Qyrfyçi ishte në Portin e Durrësit ku sapo kishte mbërritur trageti i parë nga Bari. Siç reaguan pamjet dhe raportoi gazetarja e TCH, sot në mëngjes ka pasur një fluks të shtuar të qytetarëve shqiptarë që ktheheshin nga Italia por jo vetëm. Mes tyre kishte qytetarë që vinin nga Franca dhe vende të tjera Evropiane. Ne pyetëm qytetarët nëse i ishin nënshtruar kontrolleve në pikat doganore. Ndërkohë dje Ministria e Infrastrukturës dhe Energjisë njoftoi ndalimin e të gjitha lëvizjeve me mjetet e transportit detar nga të gjitha portet drejt Italisë së Veriut. Ndalohen të gjithë lëvizjet me mjetet e transportit detar të pasagjerëve dhe/ose mjeteve në Linjën Durrës-Ankona-Durrës dhe Durrës-Trieste-Durrës. Drejtoria e Përgjithshme Detare ka njoftuar menjëherë Kapiteneritë e Porteve, Portet e Republikës së Shqipërisë dhe Agjencitë Detare për zbatimin e këtij kufizimi për mjetet e transportit detar nga portet e sipër përmendura, deri në një njoftim të dytë.