Emmanuel Egbo, trajneri i ekipit të Tiranës, i cili tashmë është mik i programit tonë, si të gjithë të tjerët është i detyruar që të qëndrojë i izoluar në shtëpi me bashkëshorten e tij Fabian. Ata kanë shumë vite së bashku dhe janë njohur këtu në Tiranë. Fabia është me origjinë filipinase dhe jeton prej rreth 6 vitesh këtu ku punon si masazhatore-terapiste. Ndërsa për nigeriano-shqiptarin Egbo, tashmë janë bërë më shumë se 18 vite dhe gjithmonë ka ardhur në rritje profesionalisht. Të dy janë përshtatur më së miri me kulturën shqiptare, me gjuhën, me zakonet, me gastronominë dhe me ҫdo gjë tjetër që përfaqëson shqiptarët. Edhe pse aktivitetet sportive janë pezulluar, Emmanuel nuk mund të qëndrojë pa stërvitje dhe këtë gjë e praktikon më së miri edhe në shtëpi. Ndërsa Fabia, duke qenë më e lirë këto javë është ajo që e filmon dhe pse jo e nxit që t'i publikojnë edhe në Youtube. Në lidhjen tonë të radhës në skype ne do të shkojmë në shtëpinë e tyre dhe do të kuptojmë më shumë se si po e kalojnë kohën ata.