Futbollisti i momentit në ekipin tonë Kombëtar është padyshim Myrto Uzuni i cili ka dalë si lojtar nga Tomori, ekipi i qytetit të lindjes Berati. Nivelin e tij e tregoi më pas me fanellën e Apolonisë, ku luajti për herë të parë në Superiore. Pastaj kalimi te Laçi dhe “peshkimi” nga Lokomotiva e Zagrebit në Kroaci, një klub i njohur si oazi i shqiptarëve. Ndërkohë që luante në Koraci ai pati oferta nga skuadra spanjolle, si Majorka apo Getafe. I pyetur për këto oferta ai tha se ofertat kanë qenë zyrtare dhe se ai nisi bisedimet me këto ekipe por pandemia ndryshoi gjithçka. I pyetur se cili është ekipi që ai e ka pasur ëndërr të luajë që kur ishte i vogël, Uzuni zbuloi për herë të parë se ëndrra e tij është fanella e Real Madrid. "Unë jam një person që i ngjis shkallët një nga një. Por po e zbuloj këtu për herë të parë se unë gjithmonë kam dashur të vesh fanellën e Real Madrid. Thjesht më duhet të punoj dhe të eci përpara që t'ia dal"