Një mpiksje misterioze gjaku është duke vrarë pacientët me koronavirus. Shqetësimi është aq i madh, sa disa grupe mjekësh kanë ngritur mundësinë për t’u dhënë hollues të gjakut të gjithë pacientëve me Covid­19, madje edhe për ata që po kurohen në shtëpi. Autopsitë kanë treguar se mushkëritë e disa njerëzve mbushen me qindra mikroklote. Mpiksjet e gabuara të gjakut në një madhësi më të madhe mund të shkëputen dhe të udhëtojnë në tru ose zemër, duke shkaktuar një goditje në tru ose mpiksje në gjymtyrë siç është vënë re te shumë pacientë. Shenja e parë, e mpiksjes shfaqet në këmbë, vijon me ënjtje dhe më pas merr një ngjyrë të çuditshme blu. Shumë mjekë besojnë se mpiksjet e gjakut, mund të ishin përgjegjëse për një pjesë të konsiderueshme të vdekjeve të SHBA nga Covid­19, ndërkohë që studiuesit amerikanë thonë se ka të dhëna se problemet me gjakun janë vënë re edhe te pacientët në Kinë dhe Itali.